СИА - Дьарыктаах буолууСүрүн сонуннарУопсастыбаЫччат политикатаЭкономика

«Муус Устар»: Ааспыт сыл кыайыылааҕа бэйэ дьыалатын арыйары былаанныыр

Хаартыска: Саха сирэ саайт

«Муус устар- 2024» кыайыылааҕа Вероника Михайлова киэргэллэри оҥорууга бэйэтин дьыалатын саҕалыыр былааннаах. Билигин кини Ньурба гимназиятыгар эбии үөрэхтээһин педагогунан үлэлиир, суруйда Саха сирэ саайт.

Киэргэллэри оҥорууга Саха сирин тулалыыр айылҕатын, ураты көстүүлэрин дьүһүйэр. Былырыын «Муус Устар» түһүлгэҕэ Өлүөнэ очуостарын уонна Саха сирин кэрэ кыргыттарын уобарастарын дьүһүйбүт сувенирынан кыайыылаах тахсыбыта.

«Бэстибээл кэмигэр «Якутяночка» диэн ырыа истэммин, саха кыргыттарын уобарастара сувениры оҥорорбор көмөлөспүтэ«, — диэн кини санаатын үллэстэр. Иккис үлэтэ төрөөбүт Саха сиригэр Казахстаҥҥа ыытыллыбыт научнай-практическай кэмпириэнсийэҕэ айаннаабыт биир идэлээхтэригэр уонна үөрэнээччилэригэр анаммыта. Ньурба гимназиятыгар үлэтин таһынан дизайнер киэргэллэри оҥоруунан умсугуйар. Куонкуруска кыайыыта саҥа оҥоһуктары айан таһаарарыгар көҕүлээбитэ. «Мин бэйэ дьыалатын арыйыахпын уонна «Сделано в Якутии» уопсастыба чилиэнинэн буолуохпун баҕарабын», — диир кини.

Быйыл «Муус Устар» бэһис төгүлүн ыытыллыаҕа. Ыччат бэстибээлин тэрээһиннэрэ номнуо өрөспүүбүлүкэ үрдүнэн ыытыллаллар. Финал-шоу кулун тутар 22 күнүгэр «Триумф» успуорт уораҕайыгар ыытыллыаҕа.

«Муус устар» ыччат бэстибээлэ Саха сиригэр 2021 сылтан ыытыллар. Дойду Бэрэсидьиэнэ Владимир Путин киэҥ далааһыннаах пуоруму ыытыы Саха сирин култуурунай, уопсастыбьаннай олоҕор үтүө үгэскэ кубулуйда диэн бэлиэтээбитэ. Бэстибээл ыччаты түмэр, айар үлэ араас эйгэтигэр талааннарын арыйарга көмөлөһөр.

This post was published on 03.02.2025 10:03 10:03

Малый бизнесМолодежная политикаФестиваль "Муус устар"