21 От ыйа 21.07
  • 22°
  • $ 88,02
  • 96,04

Муус устар 24 күнэ. Бикипиэдьийэҕэ ньурбалар тустарынан элбэх бэлиэтээһин баар

09:16, 24 апреля 2020
Текст:
Читайте нас на
Яндекс Новости
ЯДВ

Муус устар 24 күнэ Бикипиэдьийэҕэ сэрии кэмигэр үөрэхтээх буолуу туһунан санаатын чугас дьонугар тириэрдибит Николай Самсонов, Мэҥэдьэк сылгыта туспа боруода буоларыгар кылаатын киллэрбит Николай Платонов, соболох уолчааны уруһуйдаабыт саха живописеһа Андрей Чикачев тустарынан суруллубут. Бу дьон бары Күөх Ньурба алаастарыгар оонньообут, сибиэһэй салгынынан тыыммыт, ыраас уутугар сөтүөлээбит дьон.


🔹1682 сыл — Пустозерскай остуруокка (билигин Архангельскай уобалас) протопоп Аввакуму уонна старообрядчество атын салайааччыларын уматан өлөрбүттэр. Аввакум патриарх Ньыыкан реформаларын утары барбыт.

🔹1922 — Латвияттан төрүттээх Карл Байкалов (дьиҥнээх араспаанньата Некундэ) Саха уобалаһын сэриилэригэр Нестор Каландарашвили оннугар командующайынан ананан Дьокуускайга кэлэр. Кини кэлбитин кэннэ кыһыл былааһа олохтоохтор өрө турууларын утары хааннаах репрессияны уҕарыппыта, кэккэ эйэлээх миэрэлэри ылбыта.

🔹1938 — Константин Пятс Эстония бастакы бэрэсидьиэнэ буолар.

🔹1945 — Ньурбаттан төрүттээх СГУ учуонайа Николай Самсонов балтыларыгар суруйбут суругар: «Манчжурияҕа сылдьабын, орто оскуола таһымынан үөрэниэн баҕалаахтар бойобуой уонна политическай бэлэмнэнии кэнниттэн үөрэниэхтэрин сөп диэн ыйыы кэллэ. Мин үөрэнэр санаалаахпын, а. э. 8—10 кылаастар матырыйаалларын хатылыыр» — диэбит. Санаттахха, бу дьоппуоннары утары сэриигэ кыттыан иннинэ Николай Георгиевич арҕаа фроҥҥа сэриилэспитэ.

🔹1991 — Саха норудунай суруйааччыта Суорун Омоллоон Социалистыы Үлэ Дьоруойа ааты ылар.

🔹1998 — Татаар аан дойдутааҕы кэҥгириэһэ Арассыыйа юстициятыгар бэлиэтэниини ааспыт.

🔹1964 — Ньурба аатырбыт сылгыһытыгар Николай Михайловка «Саха АССР үтүөлээх сылгыһыта» аат иҥэриллибит. Мэҥэдьэк сылгыта туспа боруода буоларыгар кылаатын киллэрбит киһи.

🔹2007 — Бүлүү улууһун былааҕар уларытыы киирбит.

🔹2014 — Саха Өрөспүүбүлүкэтин Бэрэсидьиэнэ Егор Борисов өрөспүүбүлүкэ баһылыгын эбээһинэһин толорооччу буолбут.

🔹2019 — Амма Эмиһиттэн төрүттээх опера ырыаһыта Нина Чигирева Ойуунускай аатынан Судаарыстыбаннай бириэмийэни ылбыт.

Төрөөбүттэр:

🔸1967 — Ньурба оройуонун Мархатыгар саха живописеһа Андрей Чикачев.

Өлбүттэр:

🔹1942 — Ленинград фронугар бааһыран баран Мэҥэ Хаҥаластан төрүттээх Пуд Михайлов өлбүт. Саха сирин хомсомуолларыгар суруйбут суруга архыыпка баар.

🔹1974 — Павлов Валентин Васильевич (26.06.1916 т.) — 1934-40 сс. Саха сини НКВД-тыгар үлэлээбит, 1940 сылтан Дьокуускай куорат холуобунай розыһын салайааччыта, сэрии кэмигэр танковай корпус хамыһаара, Сэбиэскэй Сойуус Дьоруойа.

https://sah.wikipedia.org/wiki/Чикачев_Андрей_Васильевич

https://sah.wikipedia.org/wiki/Муус_устар_24

https://sah.wikipedia.org/wiki/Павлов_Валентин_Васильевич

https://sah.wikipedia.org/wiki/Михайлов_Пуд_Кузьмич

https://sah.wikipedia.org/wiki/Бүлүү_улууһун_былааҕа

https://sah.wikipedia.org/wiki/Суорун_Омоллоон

https://sah.wikipedia.org/wiki/Борисов_Егор_Афанасьевич

https://sah.wikipedia.org/wiki/Чигирёва_Нина_Николаевна

https://sah.wikipedia.org/wiki/Михайлов_Николай_Евтроньевич

https://sah.wikipedia.org/wiki/Самсонов_Николай_Георгиевич

https://sah.wikipedia.org/wiki/Татаар_аан_дойдутааҕы_кэҥгириэһэ

https://sah.wikipedia.org/wiki/Байкалов_Карл_Карлович

Следите за самым важным и интересным в Telegram-канале и WhatsApp-группе ЯСИА