Муус устар 15 күнүттэн Дьокуускай дьыссааттарыгар путевканы биэрии саҕаланар. Үөрэх управлениетын начаалынньыга Мария Петрова эппитинэн, быһа эрэһииминэн, балаҕан ыйын 1 күнүттэн тахсар аһаҕас миэстэлэргэ көрүллэр.
«Быйыл оскуола иннинээҕи саастаах оҕо тэрилтэлэрэ 2389 кырачааны балтараатыттан уонна 2317 үһүттэн үөһэ саастаах оҕону ыларга бэлэмнэр. 45 дьыссаат, №39, №40 уонна Кангаласс оскуолалара миэстэлээхтэр», — диэтэ Мария Петрова.
Үс сыл анараа өттүгэр үс муниципальнай дьыссаакка кыра саастаахтарга түөрт эрэ бөлөх баар эбит буоллаҕына, билигин ити сыыппара — 177.
This post was published on 10.04.2025 15:08 15:08