Өлүөнэ эбэ хаҥас төрдүгэр, Өлөөннөҕү боротуохаҕа, муус ааһар кэмигэр, уу тахсан, 14 балыксыт хаайтарда. Ол туһунан ЫБММ Саха сиринээҕи салаатыгар биллэрии тутар.
Балыксыттарга быыһааччылардаах бөртөлүөт көтөр, ити эрээри ууга хаайтарбыт дьон эвакуацияттан акаастанар. Балыксыттар анал балыктыыр суудунаҕа бааллара биллэр, Булуҥ улууһун Таймылыыр бөһүөлэгиттэн 60 км тэйиччи сиргэ. Доруобуйалара этэҥҥэ.
Эвакуацияҕа «Полярные авиалинии» АХ Ми-8 бөртөлүөтүнэн икки рейс оҥоһуллуохтааҕа. Суудуна Таймылыырга Тиксииттэн ыытыллыбыт.
This post was published on 07.06.2023 10:01 10:01