29 Кулун тутар 29.03
  • -14°
  • $ 92,26
  • 99,71

Муоста тиэмэтэ уһулуччу суолталаах

17:23, 02 декабря 2019
Текст:
Читайте нас на
Яндекс Новости
ЯДВ

Саха сирин баһылыга Айсен Николаев “Быһа кэпсэтии” биэриигэ өрөспүүбүлүкэҕэ тырааныспар инфраструктуратын уонна коммуникация сайдыытын туһунан кэпсээтэ.


Быһа эфиргэ эрэгийиэн баһылыга иһитиннэрбитинэн, тырааныспар инфраструктуратын тупсарыыга Кэлимсэ былааҥҥа киллэриллиэхтээх бырайыак быһыытынан Өлүөнэ муостатын тутуу бырайыагын өйөөбүт РФ вице-премьер миниистирэ Максим Акимов салалталаах бырабыыталыстыба хамыыһыйата ыытылынна. “Бу дойдуга устатынан тохсус муоста буолуоҕа. Наука бүгүн тутуу бары эридьиэстэрин үөрэтэр. РФ министиэристибэлэриттэн бүтэһиктээх түмүгү ыллахпытына, бырабыыталыстыба бэрэссэдээтэлин таһымыгар үбүлээһини хантан ыларбыт туһунан быһаарыы ылыныллыаҕа диэн эрэнэбин”, — диэтэ Николаев.

Айсен Николаев өрөспүүбүлүкэҕэ тырааныспарынан сырыыга атын да үгүс үтүө уларыйыылары бэлиэтээтэ – холобур, “Бүлүү” федеральнай массыына суолун 756 -с км Марханы туоруур муоста. “Бу Саха сирин арҕаа өттүгэр бэлиэ түгэн. Мархатааҕы муоста – бу бүгүн өрөспүүбүлүкэҕэ саамай уһун муоста – 561 м”, — диэн чопчулаата Айсен Николаев.

Кэлэр сыл алтынньытыгар икки муостаны тутан үлэҕэ киллэрэргэ соруктанабыт – Ньурба уонна Үөһээ Бүлүү улуустарын быысаһыытыгар Түүкээн өрүскэ уонна Мииринэй оройуонугар Аччыгый Ботуобуйаҕа. Маны сэргэ 2020 сылтан Үөһээ Бүлүү сиригэр-уотугар Бүлүү өрүскэ, 1,5 км усталаах муостаны бырайыактааһын саҕаланыаҕа, ити сыаната – 25-30 млрд солкуобай. Ону тэҥэ үс сиринэн муостаны туорааһын күүтүллэр – Сунтаарга, Кириэстээххэ уонна Күндэйэҕэ. Николаев саныырынан, 2028-2030 сылга диэри “Бүлүү” тыраассатынан сылы эргиччи тырааныспар сырыыта хааччыллыахтаах.

“Халыма” суолугар сүрүн соругунан Алданы туоратар муостаны оҥоруу соруга турар, ити сыаната 30-40 млрд солкуобайынан быһыллар. Онон, Айсен Николаев иһитиннэрбитинэн, Саха сирэ үс бөдөҥ – Өлүөнэтээҕи, Алданнааҕы уонна Бүлүүтээҕи муосталаныа, итилэр биир тиһик сорҕотунан буолуохтара. “Мин Өлүөнэ муостатын Дьокуускайга эрэ анаммыт ойдом муоста курдук буолбакка, Мииринэйтэн Магадаҥҥа диэри Хотугу эргимтэ сүрүн чаастарыттан биирдэстэрин быһыытынан боппуруоһу туруорбутум. Биһиги үс бөдөҥ муостабыт – бу сүрүн чаастар”, — диэтэ Николаев.

Женни Стрюкова, edersaas.ru

Следите за самым важным и интересным в Telegram-канале и WhatsApp-группе ЯСИА