29 Кулун тутар 29.03
  • -13°
  • $ 92,26
  • 99,71

Муома уонна Орто Халыма улуустарыгар куйаас күннэр уонна балаһа тыаллар уоту умулуннарыыны уустугурдаллар

14:01, 27 июля 2020
Текст:
Читайте нас на
Яндекс Новости
ЯДВ

Муома, Орто Халыма улуустарын баһаардара кутталлаахтар. Уоту умулуннарыы билиҥҥи туругун туһунан Ил Дархан уонна Бырабыыталыстыба пресс-сулууспатыгар улуус салайааччылара иһитиннэрдилэр.


Муома улууһун баһылыга Иван Павлов: «Балаһыанньа ыарахан. Куйаас буолан сир кураанах. Уот оттуур ходуһаларга, кураанах окко түһэн кутталы үөскэтэр. Хойуу буруоттан Дьокуускайтан Муомаҕа кэлиэхтээх үс сөмөлүөт рейса тохтотуллан тураллар. Уу кутардаах сөмөлүөт Буор Сыһыы, Хонуу нэһилиэктэрин чугас үлэлээбитэ. Бүгүн буруоттан сылтаан көтө илик. Уоту кытары баар күүһү бары туһанан охсуһа сатыыбыт. Дьокуускайтан кэлбит көмөнү өссө да хаалан үлэлииллэригэр көрдөстүм».

Орто Халыма улууһун баһылыгын бастакы солбуйааччы Руслан Гаврильев: «Сыбаатайтан биир килэмиэтирдээх сиргэ баар уоттан ураты нэһилиэк нөҥүө өттүттэн өссө биир баһаар турда. Уот үрэҕи нөҥүөлээн умайда. Бөһүөлэктэн  2 килэмиэтир тэйиччи умайар. Бөлүүн түүнтэн манна күүстээх үлэ бара турар. Өлөөкө Күөлгэ үлэ эмиэ салҕанар. Өссө биир баһаар Эбээхтэн 5 килэмиэтирдээх сиргэ күөдьүйдэ. Ити уоттар бары балаһа тыалтан үөскээтилэр. Онно дьон эмиэ үлэлии сылдьар. Ити нэһилиэктэргэ уматык, уоту кытары охсуһууга эбии мал-сал ыытаары бөртөлүөт күүтэбит».

Следите за самым важным и интересным в Telegram-канале и WhatsApp-группе ЯСИА