14 От ыйа 14.07
  • 24°
  • $ 87,74
  • 95,76

Муома улууһугар ойуур баһаара тарҕанарын тохтоттулар

15:01, 24 июля 2020
Текст:
Читайте нас на
Яндекс Новости
ЯДВ

Муома улууһугар ойуур баһаара тарҕанарын тохтоттулар. Бу туһунан айылҕа пааркаларын, ураты харыстанар сирдэр, биологическай ресурсалар Дирекцияларын салайааччы Яков Сивцев этиитигэр олоҕуран, айылҕа харыстабылын министиэристибэтин пресс-суулууспата тиэрдэр.


«Бу күҥҥэ биирдиилээн баһаардар бохсулуннулар, билигин минерализованнай балаһалары оҥоруу, уоту кэтиир үлэлэр бараллар. Миэстэтигэр үлэни ыксаллаах быһыы-майгы кэмитиэтин суһал ыстааба аттарар. Квадрокоптер көмөтүнэн уот кыраныыссалара билиннилэр, Муома улууһун, Хонуу, Буор Сыһыы дьаһалталарын кытары сибээс олохтонно. “Якутлесресурс” уонна мобилизованнай баһаарынайдартан ураты Муома улууһун тэрилтэлэрин үлэһиттэрэ көмөлөһөллөр, Дьокуускайтан олохтоох землячество сүбэ-ама буолар», — диир Яков Сивцев.

Бүгүн Муома улууһугар Арассыыйа ЫБМ министиэристибэтин уу ыһардаах бөртөлүөтэ көппүтэ.

Дирекция уоту кытары охсуһууга 20 устуукка ыстарар сүгэһэри, 20 лаппаакыны, биир мотопомпаны, оттугу биэрбит. «Муома» айылҕа пааркатын үлэһиттэрэ бары ойуур баһаарын умулуннарыыгар үлэлэһэллэр.

Санатабыт, Муома улууһугар от ыйын 21 күнүттэн ыксаллаах быһыы-майгы биллэриллэн турар. Уоту умулуннарыыга “Якутлесресурс” 15  үлэһитэ, Дирекция икки үлэһитэ бартара.

Следите за самым важным и интересным в Telegram-канале и WhatsApp-группе ЯСИА