Арассыыйа ыксаллаах быһыыга-майгыга министиэристибэтин авиацията Муома улууһун баһаардарыгар ууну салҕыы ыстарыа. Бу туһунан СИАҕа эрэгийиэннэҕи МЧС пресс-сулууспата иһитиннэрдэ.
Эрдэ МЧС авиацията Муома улууһун Хонуу нэһилиэгин чугаһыгар барыта 25-тэ ыстарыы түмүгэр 75 тонна ууну куппута. Бүгүн ууну ыстарыы салҕаныа.
Муоматтан ураты улахан уоттар Алдаҥҥа, Дьааҥыга, Кэбээйигэ, Уус-Маайаҕа, Уус-Алдаҥҥа, Томпоҕо — барыта 54 сир умайар.
Орто Халыма Өлөөкө Күөл таһынааҕы баһаарга МЧС 20 киһилээх аэромобильнай бөлөҕө үлэлиир.
Өрөспүүбүлүкэҕэ барыта 387 гектар сиргэ 79 ойуур баһаара баар. Суукка иһигэр 19 уот саҥа күөдьүйдэ, биэс умулунна.
This post was published on 28.07.2020 16:01 16:01