Муома оройуонугар аймаҕын өлөрбүт киһи 9 сылга хайыыга уурулунна.
Силиэстийэ быһаарбытынан, бу сыл кулун тутарыгар буруйданааччы уонна 29 саастаах кини аймаҕа киһи «Быһыттаах» сиригэр-уотугар табаһыттар дьиэлэригэр баллара. Бу сир Муома Буор Сыһыы сэлиэнньэтиттэн 76 км. тэйиччи баар.
Аймахтыылар арыгылаабыттар. Арыгылыы олорон этиспиттэр. Буруйданааччы этэринэн, бииргэ олорор дьахтарын быраата кинини үөхпүт. Тылынын сыһыанын кыайан быһаарсыбакка, буруйданааччы Симонов карабинын ойутан таһаарбыт уонна төбөҕө кыҥаан баран ыппыт. Саанан ытыллыбыт киһи миэстэтигэр тута өлбүт.
Силиэдэбэтэллэр быһаарбыттарынан, буруйданааччы 2015 сыллаахха эмиэ атын буруйу оҥорбут. Кинини холуобунай-толорор инспекцияҕа учуокка ылбыттар эрээри, инспектордар кинини ситэри хонтуруоллаабатахтар.
This post was published on 28.06.2016 14:47 14:47