23 От ыйа 23.07
  • 17°
  • $ 87,78
  • 95,76

Муниципальнай сулууспалаахтары Ил Дархан хонтуруоллуоҕа

15:21, 30 января 2017
Текст:
Читайте нас на
Яндекс Новости
ЯДВ

Бу саҥа сылга үктэнэн баран, дойду бэрэсидьиэнэ Владимир Путин коррупцияны утары сокуоҥҥа көннөрүүлэри киллэрэр туһунан сокуон барылыгар илии баттаабыта.Тохсунньу 27 күнүгэр РФ Госдууматын дьокутааттара ол сокуон барылын көрөн, бастакы ааҕыыга өйөөтүлэр. Бу сокуон барыла олоххо киирдэҕинэ, регионнар баһылыктара муниципальнай сулууспалаахтар дохуоттарын туһунан сибидиэнньэлэри бэрэбиэркэлиир эбээһинэстэниэхтэрэ. Сиһилии edersaas.ru ааҕыҥ.


Өскөтүн маннык бэрэбиэркэ кэмигэр сулууспалаахтар коррупцияны утары сокуон хааччахтарын, бобууларын тутуспат, эбээһинэстэри толорбот буоллахтарына, субъект үрдүкү дуоһунастаах киһитэ, ол эбэтэр, губернатор, оттон биһиэхэ Ил Дархан, сайабылыанньа суруйар. Олохтоох салайыныы уорганыгар биитэр суукка. Бу сулууспалааҕы дуоһунаһыттан ууратар биитэр дьиссипилиинэ эппиэтинэһигэр тардар туһунан.

Ил Дархан Коррупцияны уонна атын сокуону кэһиилэри сэрэтэр управлениетын салайааччыта Степан Давыдов бэлиэтииринэн, маннык көннөрүү олоххо киирдэҕинэ, дохуоттар туһунан сибидиэнньэлэри биэрии судургутуйуоҕа, чуолкайданыаҕа.

Онон, сокуон барыла толору өйөнөн, олоххо киирдэҕинэ, регионнар баһылыктара муниципальнай сулууспалаахтар дохуоттарын хонтуруоллуур эбээһинэстэнэллэр. Маны таһынан, олохтоох дьаһалталар, муниципальнай тэриллиилэр баһылыктара итиэннэ олохтоох салайыныы үлэһиттэрэ уонна дьокутааттар атын дойдулар бааннарыгар счет аһаллара бобуллуохтаах.

Следите за самым важным и интересным в Telegram-канале и WhatsApp-группе ЯСИА