Ил Дархан муниципалитеттар икки ардыларыгар такси сырыытын хааччахтыыр туһунан ыйааҕа ыам ыйын 11 күнүгэр диэри уһаата, диэн ГИБДД пресс-сулууспата СИА-ҕа иһитиннэрэр.
Бырааһынньык күннэригэр автоинспекция үлэһиттэрэ федеральнайдааҕы, регионнааҕы уонна олохтоох суоллары бэрэбиэркэлээһинэ салҕанан барыаҕа.
Коронавирус тарҕаныытын бохсор сыалтан, өрөспүүбүлүкэ баһылыгын ыйааҕынан муус устар 15 — 30 күннэригэр дьону тиэйэр-таһар техникалар сырыылара бобуллубута.
Нэһилиэнньэлээх пууннарга киириигэ-тахсыыга автоинспекция үлэһиттэрэ суукканы эргиччи хонтуруол олохтууллар.
Муус устар 15 — 29 күннэригэр барыта 21 ыйааҕы кэһии таҕыста. Дьокуускайга, Уус Алдаҥҥа, Горнайга, Хаҥаласка — үстүү, Бүлүүгэ, Тааттаҕа, Ньурбаҕа — иккилии, Намҥа, Чурапчыга, Үөһээ Бүлүүгэ — биирдии. Суоппардарга туһааннаах боротокуоллар оҥоһулуннулар.
Сиһилии ирдэбиллэри манна ааҕыҥ https://ysia.ru/v-yakutii-peredvizhenie-transportnyh-sredstv-v-ulusy-priostanovili-do-11-maya/
This post was published on 30.04.2020 18:02 18:02