Москва туһаайыытынан көтөн испит 32 пилота суох аппарааты олохтоох анал күүһүнэн суох оҥордулар. Ол туһунан дойду киин куоратын баһылыга Сергей Собянин телеграм-ханаалыгар суруйда.
Дроннары Домодедово, Раменское уонна Коломна куорат уокуруктарыгар суох оҥортолоотулар. Раменскайга БПЛА түһүүтүнэн икки дьиэ Становое бөһүөлэккэ умайда, дьахтар эчэйдэ.
