28 Тохсунньу 28.01
  • -48°
  • $ 73,82
  • 83,32

«Мисс Россия – 2016» куонкуруска Александра Павлова таҥаһа, талаана биһирэннэ

10:58, 11 апреля 2016
Текст:

«Мисс Россия – 2016» бүтүн Россиятааҕы күрэстэһиигэ Саха сириттэн тиийбит Александра Павлова национальнай таҥаһа куонкурус саамай бастыҥ таҥаһынан ааттанна. Итини таһынан кыттааччы бэйэтин регионун атыттартан ордук билиһиннэрии иһин дипломунан наҕараадаланна.


Россиятааҕы куонкурус барыллааһын талыытын Александра Павлова ситиһиилээхтик ааста. Сүүмэрдэммит кыргыттар муус устар 3 күнүгэр омуктарын таҥаһын уонна төрөөбүт дойдуларын билиһиннэрдилэр. Ити кэнниттэн талба талааннарын, аһы астыыр дьоҕурдарын көрдөрдүлэр. Саха сирин кэрэ кыыһа толорбут үрүҥ таба үҥкүүтэ биһирэбили ылыан ылла.

александра4

Куонкурс чэрчитинэн шопинг-марафон ыытыланна. Манна Россия араас муннуктарыттан кэлбит кыргыттар стили, сэбэрэни айыыга күрэстэстилэр. Кинилэр маастар-кылаас кэнниттэн хамаандаҕа хайдыһан маҕаһыыннарынан бардылар.

александра0

Александра Павлова киирбит хамаандата бу күрэстэһиигэ кыайыылааҕынан таҕыста. Кинилэргэ «Афимолл Сити» атыы кииниттэн Banana Republic маҕаһыынтан атыылаһарга сертификаттары туттардылар.

александра3

Бүгүҥҥү туругунан Саха сирин кэрэ кыыһа куонкурус официальнай саайтыгар уонна Woman.ru. сурунаал саайтыгар буола турар куоластааһыҥҥа бастаан иһэр.

александра

«Мисс Россия-2016» финала муус устар 16 күнүгэр Москваҕа буолуоҕа.

0
0
28 января 28.01
  • -48°
  • $ 73,82
  • 83,32