19 От ыйа 19.07
  • 21°
  • $ 87,88
  • 96,1

Мирон Эртюков: Өлүөнэ кыһыҥҥылыы турар

11:00, 09 мая 2017
Текст:
Читайте нас на
Яндекс Новости
ЯДВ

Ыам ыйын 8 күнэ үүнэр түүнүгэр Өлүөнэ өрүс мууһа Ленскэй аннынан дьэ хамсаата. Ол эрээри аҕыйах миэтэрэни устан баран тохтообут.


Билигин Ленскэй аннынан уу таһыма 269 см тиийэн турар. Бу учаастагынан кутталлаах таһым 1760 см. Уу ресурсаларын федеральнай агентствотын Өлүөнэ сүнньүнээҕи ууга управлениетын салайааччытын солбуйааччы Мирон Эртюковы кытары төлөпүөнүнэн сибээскэ тахса сылдьыбыппар, муус хамсаан баран, устубакка турарын иһитиннэрдэ.

«Дьикти быһыы-майгы үөскээтэ. Бүгүн бөртөлүөтүнэн Өлүөнэ устун үөһэттэн көрдүбүт-иһиттибит. Кыһыҥҥылыы турар»,- диэн эбэн эттэ.

Витим аннынан уу таһыма 411 см (кутталлаах таһым 950 см), муус бытааннык устар.

Атын өрүстэри көрдөххө, Алдан өрүскэ кытыыларынан уу таҕыста. Үөһээ тардыыга муус хамсаабыт.

Амма өрүс эмиэ бытааннык устар. Бүлүүгэ уу таһыма үрдээбит.

edersaas.ru

Следите за самым важным и интересным в Telegram-канале и WhatsApp-группе ЯСИА