Мирнэй оройуонун баһылыга Ришат Юзмухаметов Кыайыы күнүн көрсө Чернышевскай бөһүөлэгэр Аҕа дойду Улуу сэриитин бэтэрээнэ Петр Федорович Кочетковка, Светлэйгэ –Антонина Георгиевна Чудинаҕа сырытта. Кинилэргэ сибэккэ дьөрбөтүн туттарда уонна оройуон дьаһалтатыттан 60 тыһыынча солкуобайы көмө биэрдэ.
Петр Федорович Кочетков Сэбиэскэй Аармыйа кэккэтигэр 1944 с. Ростовскай уобаласка ыҥырыллыбыт.
Антонина Георгиевна Чудина Аҕа дойду Улуу сэриитин соҕотох кыттыылааҕа, кини Светлэйгэ 2000 с. олорор. Антонина Георгиевна зенитнэй-прожекторнай батальоҥҥа прожекториһынан сылдьыбыт.
Яна Владимирова.
