20 Атырдьах ыйа 20.08
  • 13°
  • $ 59,13
  • 59,39

"Мир-19" диэн ковидтан эмтиир саҥа препараты оҥорон таһаарыыга 400 мөл солкуобай кэриҥэ бэриллиэҕэ

РФ бырабыыталыстыбата «Мир-19» диэн коронавирустан препараты оҥорон таһаарыыга 387 мөл. солк. аныыр. Бу дьаһалга РФ премьер-миниистирэ Михаил Мишустин илии баттаата, диэн ТАСС РФ министиэристибэтин пресс-сулууспатыгар сигэнэн иһитиннэрдэ.

«Мир- 19» коронавирус препаратын маассабай оҥорон таһаарыы технологиятын тупсарыыга 387 мөл. солк. көрүллүөхтээх. Маннык дьаһалга бырабыыталыстыба бэрэссэдээтэлэ Михаил Мишустин илии баттаата», — диэн иһитиннэриигэ этэллэр.

Саҥа препараты оҥорорго үбү федеральнай медицинскэй-биологическай «иммунология института» судаарыстыба научнай киинигэр аныахтара. Харчыны модернизацияҕа уонна наадалаах оборудованиены атыылаһыыга барыахтара, оччоҕо вируһу утарсар саҥа препараттары оҥорон таһаарыахтара.

«Мир-19» ахсынньы 22 күнүгэр РФ Доруобуйа харыстабылын министиэристибэтинэн бэлиэтэммит. Препарат коронавируснай инфекцияны сэрэтэр эбэтэр эмтиир аналлаах. ФМБА-ҕа этэллэринэн, вирус сайдарын уҕарытар уонна коронавирус пневмонияҕа кубулуйарын тохтотор, ону таһынан олох сытыы эмиэ тохтотуон сөп.

Следите за самым важным и интересным в Telegram-канале и WhatsApp-группе ЯСИА
0
0