14 От ыйа 14.07
  • 26°
  • $ 87,74
  • 95,76

«Миниистирдэр» миниистиргэ бырайыактарын билиһиннэрдилэр

16:42, 18 апреля 2018
Текст:
Читайте нас на
Яндекс Новости
ЯДВ

Бэҕэһээ Тыа хаһаайыстыбатын уонна ас-үөл министиэристибэтигэр “Миниистир” дьыалабыай оонньуу кыттыылаахтарын кытары көрсүһүү тэрилиннэ.

Иван Пономарев баһылыктаах «Күөхтэр» хамаандалара дьыалабыай оонньууга үһүс миэстэни ылбыт «Өйдөөх бааһынай» бырайыактарын саҥа миниистир Александр Атласовкабилиһиннэрдэ. Бырайыак бородууксуйаны батарыыга аныгы технологияны туһанан, тупсаҕай ситими тэрийэр эбит. Ол курдук, тыа киһитэ оҥорон таһаарбыт үүтүн-этин эбэтэр оҕуруотун аһын тиксиһиннэрээччи нөҥүө буолбакка, бэйэтин сыанатын эбэн атыылыыр маҕаһыыҥҥа туттарбакка, эргиэн электроннай былаһааккатыгар биллэрии биэрэн батарар. Онуоха киниттэн аҥкыатаны толоруу итиэннэ тустаах докумуоннар (страховка полиһа, ИНН, ОГРН, пааспар,бэтэринээринэй уонна фитосанитарнай хонтуруолу ааспытын туһунан ыспыраапка) эрэ ирдэнэр. Быһата, араас куораттарга мөлүйүөнүнэн дьону түмэр InDriver курдук, «Өйдөөх бааһынай» босхо мобильнай сыһыарыы табаары оҥорооччуну уонна туһанааччыны биир ситимҥэ киллэрэр эбит. Туһанааччы мобильнай сыһыарыыны хачайдаан, наадалаах аһын-үөлүн булан, табаары оҥорооччуга быһа тахсан, сыанатын сөҥнөһөн атыылаһар. Хамаанда бэрэстэбиитэлэ Сайдам Степанов («Туймаада-Агроснаб» АУо генеральнай дириэктэрин солбуйааччыбыһаарарынан, бырайыак соруга тыа хаһаайыстыбатын табаарын эргиирин түргэтэтэн, нэһилиэнньэ дохуотун үрдэтии, үлэтэ суох ахсаанын аҕыйатыы, түмүгэр тыа сирин олоҕун таһымын тупсарыы буолар.

Элбэх чопчулуур ыйытыы кэнниттэн министиэристибэ салалтата бырайыагы сэҥээрдэ итиэннэ өссө ситэрэн-хоторон биэрэргэ эттэ.

Раиса Сибирякова, “Саха сирэ”, edersaas.ru

Следите за самым важным и интересным в Telegram-канале и WhatsApp-группе ЯСИА