“Кыһалҕаны быһаарыыга сөптөөх дьаһал ылыллар да, ону нэһилиэнньэ билбэккэ хаалар”, — диэн бэлиэтээн туран, Ил Дархан э.т. Айсен Николаев бүгүҥҥү улахан мунньаҕар миниистирдэр үлэлэрин күүскэ сырдаталларыгар сүбэлээтэ.
“Нэһилиэнньэни кытары үлэлэһии туһунан этиэхпин баҕарабын. Билигин бырабыыталыстыба информацияны кэмигэр уонна түргэнник тириэрдиитэ бытаан. Хас биирдии дьаһал, тэрээһин, туох кыһалҕа баара, ол хайдах быһаарыллара барыта дьоҥҥо-сэргэҕэ биллиэхтээх. Ол, бастатан туран, миниистирдэртэн тахсыахтаах. Итиннэ Сахамин Афанасьев (социальнай ситимнэр нөҥүө) үчүгэйдик үлэлэһэр. Онон бу чааһыгар бырабыыталыстыба чилиэннэрин актыыбынайдык кыттаргытыгар ыҥырабын”, — диэн бэлиэтиир Айсен Сергеевич.
Аграфена КУЗЬМИНА, “Саха сирэ” хаһыат, edersaas.ru
0
0
