Ол курдук, бырайыак көмөтүнэн эбии үөрэхтээһин бырагырааматыгар киирэргэ оҕолор 20 тыһ.солк суумалаах сертификаты ылар кыахтаннылар.
Быйыл бырагыраамаҕа өрөспүүбүлүкэ бары муннугуттан 1200 оскуола оҕото кыттыаҕа, суруйда Саха НКИХ.
Ил Дархан Айсен Николаев «Мин бастакы идэм» диэн бырайыак ыччат идэтин сөпкө таларыгар күүстээх көмө буолуоҕа диэн бигэ эрэллээх. Бу аныгы кэм усулуобуйаларыгар оҕолорго саҥа саҕахтары арыйан биэрэр.
Квалификационнай сүүмэрдээһин түмүгүнэн бырайыакка 25 үөрэх киинэ кыттыыны ылар. Кииннэргэ 43 бүгүҥҥү күҥҥэ наадалаах, туһалаах хайысхаларынан бырагыраамалары бэлэмнээбиттэр. Бырайыакка Саха сирин 25 улууһуттан 100 тахса оскуола кыттар, балар ортолоругар ыраах сытар улуустар эмиэ киирсэллэр.
«Арктика» үлэһиттэри бэлэмниир кииҥҥэ «Графический дизайн» дизайн бырагырааманы номнуо бастакы бөлөх үөрэнэн ааста.
This post was published on 25.11.2024 18:01 18:01