30 Кулун тутар 30.03
  • -16°
  • $ 92,37
  • 99,53

Мииринэйгэ саҥа дьыллааҕы салюту уонна күүлэйи боптулар

Читайте нас на
Яндекс Новости
ЯДВ

Мииринэйгэ саҥа дьылы маассабай күүлэйэ уонна үгэс буолбут салюта суох көрсүөхтэрэ. Маннык ис хоһоонноох уураахха куорат баһылыга Алексей Тонких илии баттаата диэн, «Алмазный край» иһитиннэрэр.

2022 сыл ахсынньы 31 күнүттэн 2023 сыл тохсунньу 1 күнүгэр диэри маассабай күүлэйи уонна дьыллааҕы салюту, Саха сирин баһылыгын ыйыыларыгар уонна Арассыыйа бэрэсэдьиэнэ быстах байыаннай хомууру биллэрбитинэн сибээстээн тохтоттулар, диэн бэлиэтэнэр.

Санатан эттэххэ, урут Саха сирин былаастара саҥа дьыллааҕы корпоративтары ыытыыттан аккаастанарга ыҥырбыттара. Ону тэҥэ, Дьокуускайга саҥа дьыллааҕы дьаһаллар бырагыраамаларын сарбыйбыттара.

Саҥа дьыл бырааһынньыгын киэҥ далааһыннаахтык бэлиэтииртэн Арассыыйа үгүс регионнара уонна куораттара аккаастаннылар. Салюту уонна кэнсиэри Забайкальскай уонна Хабаровскай кыраайга, Свердловскай, Калининградскай, Псковскай, Рязанскай уобаластарга уонна да атын регионнарга боптулар.

Следите за самым важным и интересным в Telegram-канале и WhatsApp-группе ЯСИА