Мииринэй олохтооҕо дьахтарга төрөппүт эбээһинэһин киһилии толорботун уонна оҕотун кырбыырын иһин холуобунай дьыаланы арыйдылар.Бу туһунан СИА-ҕа Саха сирин прокуратурата иһитиннэрдэ.
«Дьахтар 6 саастаах уолун кыра да буруйдаах буоллаҕына кырбыыр идэлээх. Ону таһынан, оҕону киһилии аһаппакка, сууйбакка-тараабакка сылдьбыт уонна оҕо баарыгар хаста даҕаны арыгылаабыт», — диэн биэдэмистибэҕэ чуолкайдаатылар.
Суут киниэхэ 150 чаас булгуччулаах үлэни анаата, ону тэҥэ оҕо туһатыгар моральнай буорту иһин компенсация төлүөҕэ. Дьахтары төрөппүт быраабыттан хааччахтаатылар, оҕону суут быһаарыытынан аҕатыгар биэрдилэр.
This post was published on 13.10.2022 12:05 12:05