Мииринэй олохтоохторо куоракка кырыысалар баалларын үҥсэллэр. Роспотребнадзор кэрбээччилэр үөскээһиннэрин бөҕү таһыы бытаарыытын кытта сибээстиир, ол кинилэргэ аһылык буолар. Бу туһунан «Алмаастаах кыраай» медиа-хампаанньа иһитиннэрэр.
«Куорат сервиһэ» УХ дириэктэрэ Владислав Торгашов кырыыса кыһалҕатыгар түбэспит олохтоохторго бөх турбаларын туһанартан аккаастанарга сүбэлиир. Ити дьиэлэр истэригэр хаалар тобоххо кырыысалар тиийэллэрин аччатарга көмөлөһүөҕэ диэн быһаарда. Торгашов маны сэргэ куорат олохтоохторун кэрбээччи баарын биллэхтэринэ, тута салайар хампаанньаҕа иһитиннэрэргэ ыҥырда.
Мииринэйгэ кырыысалары утары охсуһууга ый аайы дератизация ыытыллар. Ол эрээри кэрбээччилэр өлүктэрэ, атын бөх кэмигэр хомуллубаттар. Өлбүт кырыысалары куорат киинигэр булаллар, ол дьоҥҥо-сэргэҕэ, дьиэ кыылларыгар кутталлаах буолуон сөп, диэн «Алмаастаах кыраайга» бэлиэтииллэр.
Санатан эттэххэ, ааспыт сайын кырыыса элбээһинин Нерюнгрига иһитиннэрбиттэрэ.
