29 Кулун тутар 29.03
  • -14°
  • $ 92,26
  • 99,71

Мииринэйдэр бырабыыталыстыба отчуотугар көхтөөхтүк кытыннылар

11:01, 18 февраля 2021
Текст:
Читайте нас на
Яндекс Новости
ЯДВ

Мииринэй улууһун олохтоохторо ситэриилээх былаас уорганнарын сыллааҕы отчуотун кэмигэр долгутар ыйытыктарын биэрдилэр. Онлайн барбыт отчуокка барыта 437 киһи кыттыыны ылбыт. Эрдэ бэлэмнэммит 43 боппуруоһу таһынан мунньах кэмигэр эбии 30 ыйытык киирбит.


Удачнай олохтоохторо «Полярнай» аэропорт көтөр балаһатын өрөмүөнүн, саҥа аэровокзал дьиэтин тутуу боппуруостарын көтөхтүлэр. Маны таһынан быраастары хаарбах дьиэлэртэн көһөрүү, саҥа дьиэ туппакка, баар дьиэлэргэ квартиралары ылыы боппуруостарын көрөрү туруорустулар.

Айхал олохтоох Сэбиэтин бэрэссэдээтэлэ Сергей Домброван бөһүөлэк уулуссаларын саҥардар наадатын эттэ.

Чернышевскай олохтоохторо хапытаалынай өрөмүөн пуондатын үлэтэ мөлтөҕүн, өрөмүөнү ыытар тэрилтэлэр үлэлэрин хонтуруолга ылар наадатын эттилэр.

Светлэйдэр мэнээх сылдьар ыттар кыһалҕаларын көтөхтүлэр. Бөһүөлэк ыттарга анаан анал хаачыка тутар кыаҕа суоҕун, атын уодьуганныыр ньыма суоҕун этиннилэр.

Алмазнайга ыт кыһалҕата эмиэ сытыытык турар. Маны таһынан, иһэр уунан хааччыллыы боппуруоһун санаттылар.

Айхалга хаарбах туруктаах дьиэлэртэн дьону көһөрүү сүрүн кыһалҕа буолбут. Нэһилиэк баһылыга  Галия Петровская бөһүөлэккэ 111 итинник дьиэ баарын, бырагыраамаҕа көрүллэр харчы кээмэйэ кыратын, дьон материкка көһөрүгэр сертификат боппуруоһа эмиэ дьону долгутарын эттэ.

Таас-Үрэххэ фельдшер пууна өрөмүөҥҥэ наадыйарын эттилэр. Чуона нэһилиэгэ Аччыгый Ботуобуйа биэрэгин бөҕөргөтүүгэ бырайыактыыр үлэ оҥоһуллара наадатын туруоруста.

Сүлдьүкээрдэр муоста тутууларын туруорустулар. Ил Түмэн дьокутаата Юрий Николаев бөһүөлэккэ гаас киирэр наадатын эттэ. Мииринэй Заречнай дьоҕус оройуонугар эмиэ гаас киирэрэ тоҕоостооҕун эттилэр.

Итини таһынан, оройуон дьокутаата Нина Белова Мииринэйгэ оҕо төрүүр дьиэтин тутуу боппуруоһун туруоруста. Доруобуйа харыстабылын министиэристибэтэ өрөмүөҥҥэ диэн 40 мөл солк көрбүтүн эттэ.

Следите за самым важным и интересным в Telegram-канале и WhatsApp-группе ЯСИА