Баһаарынай-быыһыыр подразделениелар Мииринэй улууһун Арыылаах нэһилиэгэр турбут баһаары умуллардылар. Баһаары туоратыыга 125 киһи уонна 34 тиэхиникэ үлэлээтилэр, ол иһигэр Бе-200 сөмөлүөт, Ми-8 уонна Ми- 26 бөртөлүөттэр.
Санатан эттэххэ, бэҕэһээ ойуур баһаара Мииринэй оройуонун Арыылаах нэһилиэгэр олорор дьиэлэргэ көспүтэ. Уокка барыта биэс тутуу, ол иһигэр үс олорор дьиэ былдьанна. Баһаартан сылтаан эчэйии ылбыь киһи суох.
Мииринэй оройуонун дьаһалтата эмсэҕэлээбит ыалларга көмөлөһүөҕэ.
Быыһаммыт олохтоохтор Мииринэйгэ «Кимберлит» спорт дыбарыаһыгар олороллор. Эвакуациялыыр пууннарга быраастар сылдьаллар. Мииринэй оройуонугар ЧС режимэ биллэрилиннэ. СК регионнааҕы управлениета баһаар чахчытынан силиэстийэлиир бэрэбиэркэтин саҕалаата.
This post was published on 29.07.2022 09:01 09:01