Мииринэй 60 саастаах олохтооҕо 6 мөлүйүөнтэн тахса суумалаах харчыны масыанньыктарга ыытта. Бу дьон эр киһиэхэ баан уонна силиэстийэ үлэһиттэрин аатыттан эрийбиттэр диэн, Саха сиринээҕи ИДЬМ СИА-ҕа кэпсиир.
Эр киһиэхэ бастаан баан үлэһитэ төлөпүөннээбит уонна кини бааныгар сыһыаннаах нүөмэрин уларытарыгар сайаапка киирдэ диэн биллэрбит. Кини маннык сайаапканы биэрбэтэх буолан, кэпсэтиини «Москватттан сылдьар силиэстийэ үлэһитигэр» көһөрбүттэр.
Силиэстийэлээччи быһыытынан билсибит киһи, бу баан үлэһиттэрэ бэйэлэрэ эрийэллэр диэбит уонна, эр киһи бааҥҥа эрийдэҕинэ силиэстийэ үлэтигэр мэһэйдиирин сэрэппиттэр. Ол иһин бу силиэстийэ үлэһитэ Мииринэйтэн сылдьар эр киһини харчытын «страховой счетка» көһөрөрө оруннааҕын итэҕэппиттэр.
Ол түмүгэр эр киһи түөкүттэр эппит счеттарыгар 6 087 900 солк. харчытын көһөрбүт.
