Мииринэй куоракка алтынньы 24 күн киэһэ, сөкүүндэҕэ 27 миэтэрэ түргэннээх тыалтан сылтаан уот барда, диэн СИА-ҕа «Якутскэнерго» иһитиннэрбиттэ.
«Энергетиктэр ЛЭП проводын быстаҕастара бэлиэтээбиттэрэ. Куорат аҥаарын уотунан хааччыйан олорор икки ситим алдьанна 110 кВ Л 132 «Мирный – МГРЭС» уонна Л 131 «МГРЭС – Фабрика №3». Тыал содулун туоратыыга 15 киһи, ону таһынан 6 анал тиэхиникэ уонна 5 УАЗ массыына үлэҕэ тардылыннылар», — диэн хампаанньаҕа иһитиннэрдилэр.
Алтынньы 25 күнүгэр 01:09 ч. уоту биэрии сөргүтүлүннэ. Биригээдэлэр түҥэтэр линияларга чөлүгэр түһэрии үлэлэри салгыы ыыталлар.
This post was published on 25.10.2022 12:03 12:03