«Азия оҕолоро» норуоттар икки ардыларынааҕы VI спортивнай Оонньууну үөрүүлээхтик аһыы сиэригэр-туомугар тэрээһини төрүттээччи, Саха сирин бастакы президенэ Михаил Николаев сырытта. СИА-ҕа биэрбит интервьютугар кини өрөспүүбүлүкэ бырабыыталыстыбата күрэхтэһии киэҥ далааһыннаахтык ыытылларыгар ураты улахан болҕомтотун уурарын эттэ. Госдума дьокутаата этэринэн, Оонньуу күрэхтэһии эрэ таһымыттан тахсыбыт.
«Бастакы Оонньуулар саҕана биһиэхэ тылбаасчыттар да суохтара. Норуоттар икки ардыларынааҕы таһымнаах судьуйалар тустарынан этэ да барыллыбат. 20 сыл былаһын тухары Оонньуу суолтата биллэ үрдээтэ. Билигин спортивнай күрэхтэһии эрэ буолбатах», — диэтэ Михаил Николаев.
МОК хас түөрт сыл аайы ыытар «Азия оҕолоро» оонньуу Азия континенын барытын хабар. Оонньуу аан бастаан 1996 сыллаахха Олимпийскай хамсааһын 100 сылыгар анаан ыытыллыбыта.
