Таатта улууһун Уолба нэһилиэгэр олорор Михаил Боппосов бар дьоҥҥо сыл бэлиэтин балбаахтан оҥорорунан киэҥник биллэр. Сыл ахсын дьон кини тугу сонуну оҥорон соһутарын күүтэллэр. Кини оҥоһуктара бүтүн өрөспүүбүлүкэ устун киэҥник тарҕаналлар.
Михаил Боппосов тус архыыбын хаартыската туһанылынна
Оттон быйыл Михаил Трофимович сэбирдэхтэн сэлээппэ оҥорбут. Кини бу курдук санаатын үллэһиннэ:
— Оскуоланы 1978 сыллаахха бүтэрбиттэр күһүнү быйыл куоракка көрүстүлэр. Ол курдук күһүҥҥү тэрээһиҥҥэ кинилэр Дьокуускай пааркатыгар мустан бэрт сэргэхтик көрсүбүттэрэ. Араас куонкурус бөҕө ыытыллыбыта. Онно онлайн киэбинэн сэлээппэ куонкуруһа ыытыллыбыта. Мин олбуорум иһигэр үүнэр хатыҥ, хаптаҕас, долохуна, малина сэбирдэхтэрин хомуйан оҥорон көрөргө санаммытым. Ол миэстэлэһээри буолбакка, дьээбэлэнэн, кыдьыгым баппакка оҥорбутум диэххэ сөп.
Ульяна Захарова, Саха сирэ
This post was published on 20.09.2023 15:35 15:35