28 Тохсунньу 28.01
  • -48°
  • $ 73,82
  • 83,32

Медицина национальнай киинин дьаһалтата санитаркалар ыйытыктарыгар хоруйдаата

Соторутааҕыта Өрөспүүбүлүкэтээҕи 1 №-дээх балыыһа – Медицина национальнай киинин үлэһиттэрин, чуолаан санитаркалар, хамнастара аччатыллыбытын туһунан аймаммыт суруктар социальнай ситимнэргэ тарҕаммыттара. 

Онуоха Медицина национальнай киинин дьаһалтата маннык эппиэти биэрдэ:

«Арассыыйа федерациятыгар гражданнар доруобуйаларын харыстааһын төрүттэрин туһунан» 21.11.2011 с. тахсыбыт 323 №-дээх федеральнай сокуоҥҥа олоҕуран, медицинскэй үлэһиттэр категориялара чопчу быһаарыллыбыта.

РФ Үлэҕэ уонна социальнай көмүскэлгэ министиэристибэ 12.06.2016 с. бирикээһигэр сөп түбэһэн, медицинскэй тэрилтэлэргэ «алын сүһүөх медицинскэй персонал» профессиональнай стандарды киллэрэргэ үлэ ыытыллар. Бу категорияҕа орто уопсай үөрэхтээх уонна идэтигэр үөрэтэр кууруһу барбытын бигэргэтэр дастабырыанньалаах дьон киирсэллэр. Кинилэр эбээһинэстэригэр ыарыһаҕы көрүү, диагностикалыыр манипуляцияларга арыаллааһын уо.д.а. киирэллэр.

Бу профессиональнай стандарды киллэриигэ үлэ саҕаламмытынан сибээстээн, үлэлиир хостору хомуйааччы, кастелянша, буфетчица дуоһунастарыгар көһөрүү боппуруостара киирэ тураллар (кинилэр үөһээ этиллибит функциялары толорботтор). Санитарка-буфетчицалар, сиэстэрэ-хаһаайкалар, суоппар-санитардар, федеральнай нуорма акталарынан, алын сүһүөх медицинскэй персоналтан таһаарыллаллар. Бу дуоһунастар «атын хааччыйар персоналлар» категорияларыгар көһөрүллэллэр.

Билигин Медицина национальнай киинигэр алын сүһүөх медицинскэй персоналлары (сиэстэрэ-хаһаайкалары, санитарка-буфетчицалары, санитарка-уборщицалары «атын хааччыйар персоналларга»: кастеляншаларга, буфетчицаларга, дьиэ сууйааччыларга (реаниамация, анестезиология уонна интенсивнэй терапия отделениеларыттан, эпэрээссийэлиир уонна оҕо төрөтөр блоктартан уратылар) көһөрүүгэ бэлэмнэнии барыллаан үлэтэ саҕаланна.

Бу дьаһаллар үлэ сокуонун ирдэбиллэринэн ыытыллыахтара«.

Надежда ЕГОРОВА, «Саха сирэ» хаһыат, edersaas.ru

0
0
28 января 28.01
  • -48°
  • $ 73,82
  • 83,32