«Быһа эфир» кэмигэр Айсен Николаев доруобуйа харыстабылын министиэристибэтигэр медицина десаннарын оройуоттарга тэрийэр туһунан эттэ. Бөлөххө онколог, офтальмолог уонна невролог киирсэллэрэ тилиннэ, суруйар СИА.
Ленскэйтэн, Нерюнгриттан, Мииринэйтэн, Өлүөхүмэттэн, Эбээн-Бытантайтан суола-ииһэ суох нэһилиэнньэлээх пууннарга медицина десанын тэрийэн үлэлэтэр туһунан ыйытыылар киирдилэр.
«Маннык ыйытыы куруук баар, ол иһигэр Арктика улуустарыттан. Чопчу ыарыыны көрөр, быһаарар исписэлиистэр кэлиилэрин промышленнай оройуоттартан туруорсаллар», – диэтэ Айсен Николаев. Кини миниистир Лена Афанасьеваҕа туһаайан бу этиллибит улуустарга медицина десанын тэрийэр туһунан сорудахтаата.
This post was published on 27.09.2022 11:28 11:28