Саха сиригэр идэтинэн үлэлээбэккэ сылдьар медик үөрэхтээхтэри хамсык ыарыы утары үлэҕэ ыҥыраллар. Бу туһунан брифинг кэмигэр өрөспүүбүлүкэ вице-премьерэ Ольга Балабкина иһитиннэрдэ, — диэн СИА кэпсиир.
«Өрөспүүбүлүкэ норуотун депутаттарын Владимир Чичигинаровы, Любовь Явловскайаны эмиэ Covid-19 утары үлэҕэ кыттыһарга ыҥырабыт», — диэтэ Ольга Балабкина.
Вице-премьер бэлиэтээбитинэн, тохсунньу 25 күнүттэн булгуччулаах мэдэссиинэ консультациятын кииннэригэр М.К.Аммосов аатынан ХИФУ биллиилээх доктордара, мэдэссиинэ институтун ааттаах-суоллаах профессордара үлэлиэхтэрэ.
«Роспотребнадзор үлэһиттэрэ уонна медиктэр үрдүк бэлэмнээх буолуу быһыытыгар-майгытыгар үлэлииллэр, скорай үлэһиттэрэ олус үрдүк ноҕоруускаҕа үлэлии сылдьаллар. Билиҥҥи туругунан кинилэр ноҕоруускалара анал нормативтан уон төгүл куоһарар«, — диэн Балабкина бэлиэтээт. Ордук уустук быһыы-майгы Дьокуускайга, Хаҥаласка, Намҥа, Мэҥэ-Хаҥаласка уонна Сунтаарга бэлиэтэнэр.
Өрөспүүбүлүкэ стационарыгар ыарахан туруктаах 69 ыарыһах баар. Реанимацияҕа баар дьон бары вакцина ылбатахтара бэлиэтэнэр. Быраастар 10 олус ыарахан туруктаах ыарыһахтар олохторун туһугар туруулаһаллар.
This post was published on 24.01.2022 19:01 19:01