19 От ыйа 19.07
  • 14°
  • $ 87,88
  • 96,1

«Медэкспо» быыстапка саҕаланна

16:50, 03 апреля 2018
Текст:
Читайте нас на
Яндекс Новости
ЯДВ

Сыл аайы муус устар саҥатыгар Доруобуйа күнүн көрсө «»Медэкспо. Доруобуйа уонна кэрэ буолуу» быыстапка ыытыллар.


Муус устар 3 күнүттэн «Куруһаала» атыы-эргиэн киинигэр регионнар икки ардыларынааҕы IX анал быыстапка үлэтин саҕалаата.

Муус устар 4 күнүгэр ким баҕалаах 10.00—15.00 ч. диэри RW хаан анаалыһын туттарыан сөп.

Муус устар 3-5 күннэригэр нэһилиэнньэҕэ ВИЧ-тестирование оҥоһуллар (ким баҕалаахха, босхо уонна ааккын-суолгун эппэккэ туран). Тарбахтан ылыллыбыт хаан анаалыһын түмүгэ 10-15 мүнүүтэнэн биллэр.

Бу күннэргэ, ону сэргэ, бэйэҕэ сөптөөх ачыкыны уонна истэр аппарааттары талыахха сөп.

Мэлдьи буоларын курдук, фтизиатр, психиатр-нарколог, офтальмолог, физиотерапевт быраастартан сүбэ-ама ылыаххыт. Араас аппарааттарга экспресс-диагностика ыытыллыаҕа.

Быыстапкаҕа кэлбит дьон чөл олох туһунан маастар-кылаастарга, презентацияларга кыттыахтара. Саха уонна омук сирдэригэр эмтэнии ымпыгын-чымпыгын билсиэхтэрэ. Ону таһынан араас тестированиеҕа, паразиттары уонна микроэлеменнэри быһаарарга төлөбүрдээх өҥөлөр баар буолуохтара.

Быыстапкаҕа Дьокуускай к. эмтиир тэрилтэлэриттэн, Арассыыйа куораттарыттан, Соҕуруу Кореяттан, Кытайтан, Монголияттан 60-тан тахса эмтиир тэрилтэ кыттыаҕа.

Маннык быыстапка Уһук Хотугу сир усулуобуйатыгар Арассыыйа уонна омук сирин аныгы эмтиир ньымаларын туһаныыны көҕүлүүр итиэннэ  Саха сиригэр доруобуйа харыстабылын инники сайдыытын, дьоһун суолталаах боппуруостарын дьүүллэһэр көдьүүстээх былаһаакканан буолар.

Следите за самым важным и интересным в Telegram-канале и WhatsApp-группе ЯСИА
Тутаах тыллар