Бүгүн Майа сэлиэнньэтигэр 300-тэн тахса ыччат «Ыччат Сайын» улуустааҕы бэстибээлгэ тоҕуоруһа муһунна, диэн Мэҥэ Хаҥалас улууһун дьаһалтатын телеграм-ханаала суруйар.
Улуус баһылыгын социальнай уонна имиджевэй бэлиитикэҕэ солбуйааччы Альбина Григорьева олох үөһүгэр, инники күөнүгэр сылдьар ыччаттары бэстибээлгэ уруйдаан туран тэрээһини үөрүүлээх быһыыга-майгыга арыйда.Кыттыыны ыла кэлбит спикердарга баһылык махтал суруктарын туттарда.
Актыыбынай позициялаах дьоммут-сэргэбит икки былаһаакканан арахсан сэминээрдэргэ кытыннылар.
Ол курдук,
- Ыччат министиэристибэтин исписэлииһэ Дмитрий Куприянов социальнай бырайыактааһын, «Росмолодежь» грант куонкурустарыгар кыттыы туһунан сэминээри;
- СӨ волонтердары кытта үлэ киинин исписэлииһэ Евгений Амбросьев бэйэ баҕатынан үлэ туһунан сэминээри
ыыттылар.
Күн иккис аҥарыгар спортивнай күөн күрэс, ырыа-тойук күрэҕэ, улуус баһылыгын Дмитрий Тихоновы кытта атах тэпсэн олорон кэпсэтии, оһуохай түһүлгэтэ уонна саха эстрадата кыттыылаах уоттаах-күөстээх кэнсиэр, үҥкүү-битии күүтүллэр.
Мэҥэ Хаҥалас улууһун дьаһалтатын пресс-сулууспата
