Быйылгы хомуурга саамай улахан хортуоска Мөҥүрүөн нэһилиэгэр хостонно, диэн Мэҥэ Хаҥалас улууһун дьаһалтатын телеграм-ханаала суруйар.
Ол курдук, 24 см уһуннаах, 13 см кэтиттээх, 2 киилэ ыйааһыннаах хортуоппуй Матта сэлиэнньэтигэр Кычкиннар дьиэ кэргэҥҥэ үүммүт.
Кычкиннар икки бааһыналарыттан быйыл 25 куулу ылбыттар, үүнүү үчүгэй диэн бэлиэтээтилэр.
Саамай улахан хортуосканы 4 кылаас үөрэнээччитэ Емелияна Ильина оскуола күһүҥҥү быыстапка-дьаарбаҥкатыгар илдьэн дьон-сэргэ кэрэхсэбилин ылбыт.
Бу күннэргэ нэһилиэктэрбитигэр күһүҥҥү быыстапка-дьаарбаҥкалар ыытыллаллара күүтүллэр. Улууспутугар олохтоммут рекорду ким эмит куоһардыа дуо?
Мэҥэ Хаҥалас улууһун дьаһалтатын пресс-сулууспата
