Доллу нэһилиэгин сис хаһаайыстыбатынан буолар «Тумул» кэпэрэтиип симментал хааннаах боруода сүөһүлэри иитэринэн киэҥник биллэр. Ол гынан, Тумул хаһыс да сылын сибиинньэ иитиллэр сиринэн эмиэ биллэр.
Ол төрүөтүнэн сибиинньэ иитиигэ ылсыбыт Егор Гоголев диэн сахалыы лоп-бааччы дьаһанан, тэринэн үлэлии олорор хаһаайыны ааттыыбыт. 2018 сыллаахха хаһаайыстыбаларын саҥа тэринэр пиэрмэрдэргэ бэриллэр граны ылары ситиһэн, Хатастааҕы сибиинньэ комплексыттан 25 төрүүр тыһы сибиинньэни уонна Мархаттан икки атыыры атыылаһан сибиинньэ иитэр хаһаайыстыбатын үлэтин саҕалыыр.
Источник: @gazetaerkeii телеграм-ханаала
