Балаҕан ыйыгар Моорук нэһилиэгэр «Саха сиригэр уопастыбаннай инфраструктура сайдыытыгар туһуламмыт нэһилиэнньэ көҕүлүүр бырайыактарын олоххо киллэрии» 2023 сыллааҕы бырагырааматыгар нэһилиэкпит дьоно кыттан, саҥа кирбиилэри дабайар баҕатын санаатын биллэрэн бастакы хардыылары оҥордо.
Эһиилги 2023 сыл бырагырааматыгар Суола үрэҕи туоруур, аныгылыы көстүүлээх, бөҕө туруктаах муоста бырайыага элбэх куолаһы ылбыта. Бүгүҥҥү күҥҥэ бырайыакка үлэлиир хамыһыйа чопчуланар, улэтин саҕалыаҕа.
Быйыл норуот көҕүлээһинин өйүүр бырагыраамаҕа нэһилиэнньэ хас да бырайыагы киллэрбититтэн, сүрүннээн баһыйар куолаһы ылан, айан суолуттан нэһилиэккэ киирии Егорова аатынан уулусса оҥоһуута ылбыта. Олохтоох нэһилиэнньэ куоластааһыныгар кыайыылаах тахсан, тендери кыайбыт «АртикТрейд» тэрилтэ 2 мөл. солк. кэриҥэ суумалаах суол оҥоһуутун үлэтин түмүктүүр үлэтэ бара турар.
Александра Уваровская, Эркээйи
This post was published on 29.09.2022 17:03 17:03