Муус устар ый 12 күнүгэр Мэҥэ Хаҥаласка төрөөбүт Хорообут нэһилиэгэр Көҥүл тустууга Арассыыйа успуордун норуоттар икки ардыларынааҕы кылаастаах маастара, хапсаҕайдаһан тустууга Саха Өрөспүүбүлэкитин успуордун маастара Александр Гаврильевич Птицын бирииһигэр 2010 сылтан бэтэрээ төрүөх оҕолорго аһаҕас күрэхтэһии буолан ааста диэн СИА-ҕа Саха сиринээҕи ГТО киинэ иһитиннэрэр.
Үөрүүлээх күрэхтэһии арыллыытыгар кэлбит ыалдьыттар Александр Птицыҥҥа спорт сайдарыгар кылаатын иһин Ил Тумэнтэн Гуляев М.Д. комитетын бочуоттаах грамотатын, улууска ыччат иитиитигэр кылаатын иһин знак, үөрэх управлениятын бочуоттаах грамотатын туттардылар.
Хорообут тэрилтэлэрэ, спортка уонна ыччат итиитигэр бэриниилээх нэһилиэк олохтоохторо, бииргэ үөрэммит кылаастар, устудьуон доҕоттор, бииргэ СГУ саалатыгар дьарыктаммыт ыччаттар, үөлээннээхтэр уонна доҕоттор туруорбут бириистэрэ кыайыылаах оҕолор үөрүүлэрин үксэттэ, кэлэн кыттыбыт тренердар махтанан бардылар.
Күрэхтэһиигэ Чурапчы, Амма, Уус Алдан, Аллайыаха, Дьокуускай куорат уонна 10 Мэҥэ-Хаҥалас нэһилиэктэриттэн барыта 113 тустуук кытынна.
Тыҥааһыннаах киирсиилэр түмүктэринэн кыайыылаахтар:
26 кг. — Вензель Вася (Амма);
28 кг. — Петров Айаан (М-Х, Хара);
30 кг. — Карпов Марат (Амма);
33 кг. — Макеев Андрей (Уус-Алдан);
35 кг. — Скрябин Саян (М-Х, Хорообут);
38 кг. — Оконешников Игорь (М-Х, Хорообут);
41кг. — Афанасьев Влас (М-Х, Тумул);
45 кг. — Федоров Одун (М-Х, Хара);
48кг. — Слепцов Владимир (М-Х, Тумул);
55 кг. — Михайлов Владик (Дьокуускай);
60 кг. — Постников Роман (Дьокуускай);
60 кг. үөһээ — Толстоухов Егор (М-Х, Аллараа Бэстээх).
Сүрүн судьуйа Тастыгин А.Н., сэкиритээр Винокуров А.Е.
Үчүгэй тустууну көрдөрбүт бөҕөстөргө анал бириистэр ананнылар:
Биир кэмҥэ тэҥҥэ дьарыктаммыт «СГУ ТУСТУУКТАРЫН» анал бирииһэ «10 000 тыһынча солкуобай, уу харчынан» «БАСТЫҤ БӨҔӨС» Влас Афанасьев Мэҥэ-Хаҥалас, Тумул.
«КЫЛБАР ТЕХНИКАЛААХ БӨ5ӨС» Айаан Петров Мэҥэ-Хаҥалас, Хара, «10 000 тыһынча солкуобай, уу харчынан» бириис.
«ТЫҤААҺЫННААХ ХАПСЫҺЫЫ ИККИ БӨҔӨҺҮГЭР», «5 000 (биэстии) тыһынча солкуобай, уу харчынан» туттарылынна Лев Срыбыкин Аллайыаха уонна Тимир Егоров Мэҥэ-Хаҥалас, Павловскайа.
«МЭҤЭ ТҮМСҮҮТЭ» ыччаттарын анал бирииһэ «МЭҤЭ ХАҤАЛАСТАН ТӨРҮТТЭЭХ КҮРЭХТЭҺИИ КЫАЙЫЫЛААҔАР» «10 000 тыһынча солкуобай, уу харчынан» туттарылынна Владимир Слепцовка Мэҥэ-Хаҥалас, Тумул.
«ДОҔОТТОР» анал бириистэрэ «ХОРООБУТ БАСТЫҤ СИТИҺИИЛЭЭХ БӨҔӨҺҮГЭР», «10 000 тыһынча солкуобай, уу харчынан» туттарылынна Ньургун Сергучевка ыйааьын кыайыылаа5ар
«ХАРАТААҔЫ ЛИЦЕЙ ТУСТУУК ЫЧЧАТТАРА» туруорбут биириистэрэ 55 ыйааһын кыайыылаахтарыгар туттарылынна.
Тэрээһин үрдүк таһымна ааспытын бэлиэтээн Хорообут нэһилиэгин баһылыгар, администрация, кулууп, оскуола коллективыгар уонна охтоохтох дьоммутугар махтанабыт.
Ааптар Александр Брызгалов
