14 От ыйа 14.07
  • 31°
  • $ 87,74
  • 95,76

Мэҥэ Хаҥалас Балыктааҕар Ыччат сылыгар аналлаах үлэ барар

Читайте нас на
Яндекс Новости
ЯДВ

2022 сыл Балыктаахха Ыччат сылынан биллэриллибитэ, онон сибээстээн элбэх үлэлэр былааннаналлар, диэн «Эркээйи» суруйар.

Ыччат лиидэринэн Нарыйа Докторова ананан үлэтин саҕалаата. Эдэр ийэлэр түмсүүлэрин Татьяна Иванова салайар. «Көмүс күһүн» дьаарбаҥкаҕа эдэр ийэлэргэ анаммыт куонкуруска түөлбэлэринэн кыттыбыттара.

Ыччаттар бөһүөлэккэ олорор саастаах дьоҥҥо куруутун көмөлөһөллөр. Бэтэрээн учууталга Марфа Харитоноваҕа биир бырысыап мас киллэртэрбитин эдэр дьон хайыттылар, кыргыттар саһааннаатылар. Марфа Петровна итии чэйинэн, сылаас алаадьынан үөрэ-көтө чэйдэттэ. Үлэлэрин бүтэрэн

салгыы Анисия Даниловна, Иннокентий Дмитриевич Скрябиннэргэ тиийэн эмиэ саһааннарын хайытан саһааннаан кэбистилэр. Субуотунньукка олохтоох дьаһалта үлэһиттэрэ, бааһынай хаһаайыстыбалаах уолаттар, ыччаттар кытыннылар.

Дьаһалтаҕа баһылык солбуйааччытынан 2017 сылтан ананан үчүгэйдик үлэлээбит Дмитрий Иванов дойдутугар Ньурба улууһун Сүлэ нэһилиэгэр баһылыгынан талыллан үлэлии барда. Бэйэбит ыччаппыт Иван Мохначевскай Сунтаарга Кэмпэндээйи бөһүөлэгэр эмиэ дьаһалтаҕа баһылык солбуйааччытынан ананан үлэтин саҕалаата. Эдэр үлэһиттэргэ үлэлэригэр ситиһиилэри баҕарабыт.

Нэһилиэк ыччаттара өрүү маннык үтүө санаалаах,түмсүүлээх, чөл олохтоох буолалларыгар бөһүөлэк кырдьаҕастара баҕа санааларын тиэртилэр.


Мария Захарова

Следите за самым важным и интересным в Telegram-канале и WhatsApp-группе ЯСИА