Ил Дархан Айсен Николаев Матрена Ноговицынаны аан дойду чөмпүйүөнэ буолбутунан бэйэтин инстаграм сирэйигэр эҕэрдэлээтэ.
«Эстония Таллин куоратыттан үөрүүлээх сонун кэллэ. Норуоттар ардыларынааҕы гроссмейстер, Чурапчы улууһуттан төрүттээх Матрена Ноговицына болдьоҕун иннинэ биир тур иһигэр сүүс харахтаах дуобакка аан дойду чөмпүйүөнэ буолла. Матрена бу ситиһиитинэн Саха сиригэр бастакынан, Арассыыйаҕа иккиһинэн классическай бырагыраамаҕа аан дойду чөмпүйүөнэ буолла. Матренаны ситиһиитинэн эҕэрдэлиибин! Сахатын сирэ кининэн киэн туттар!», — диэн суруйбут Айсен Николаев.
