От ыйын 28 күнүгэр «Матч-ТВ» ханаалга Владивостокка ыытыллар «Азия оҕолоро» VII аан дойдутааҕы спортивнай оонньуулар аһыллыыларын көрдөрүөхтэрэ диэн, СИА иһитиннэрэр.
«Азия оҕолоро» оонньуу аһыллыытын үөрүүлээх сиэрэ-туома от ыйын 28 күнүгэр «Фетисов Арена» спортивнай комплекска ыытыллыаҕа. Бу күн Саха сирин Ленскэйтэн аҕалыллыбыт аан дойдутааҕы спортивнай оонньуулар уоттарын уматыахтара.
Быйыл оонньууларга спортсменнар 15 дойдутт уонна Арассыыйа аҕыс регионуттан кыттыахтара. Саха сирин былааҕынан 120 эдэр спортсмен күрэхтэһиэхтэрэ. Аһыллыытын сиэрэ- туома кыттааччылар парадтарынан саҕаланыа. Салгыы көрөөччүлэргэ кэккэ уус- уран нүөмэрдэри билиһиннэриэхтэрэ, Арассыыйа биллэр сулустара — Анет сайт, ST, Вахтанг ыллыахтара. Оттон «Азия оҕолоро» оонньуу уотун уматыы сүрүн событиета буолуоҕа.
Санатан эттэххэ, «Азия оҕолоро» оонньуулар от ыйын 27 күнүттэн атырдьах ыйын 8 күнүгэр диэри ыытыллыахтара. Аан дойдутааҕы улахан күрэхтэһиигэ 19 көрүҥҥэ 273 комплект мэтээли оонньотуохтара.
This post was published on 26.07.2022 12:11 12:11