24 Ыам ыйа 24.05
  • -7°
  • $ 104,68
  • 115,6

Массыына сыаната 15% үрдүөн сөп

Өскөтүн солкуобай куурса чөлүгэр түспэтэҕинэ, саҥа массыына сыаната 15% үрдүөн сөп диэн эспиэртэр этэллэр, суруйар edersaas.ru


Кулун тутар 9 күнүгэр ньиэп сыаната уонна солкуобай куурса сурулаан түһэн, дойдуга массыынаны оҥорон таһаарааччылар долгуйан эрэллэр. Омук сириттэн саппаас чаас атыылаһан ылан, массыынаны таҥааччылар сыаналарын үрдэппэтэхтэринэ, ночоокко барар кутталлаахтар.

Автоконцерн үлэһиттэрэ: «Массыына сыаната үрдүө, эрдэ былааннаммыт саҥа таһаарыылары биллибэт болдьоххо диэри тохтотуохтара, тимир көлө атыылаһыан баҕалаах дьон ыксыахтарын наада, кэлин сыана хас да түһүмэҕинэн ыараан иһиэ», — дииллэр.

Билигин хампаанньалар салгыы хайдах үлэлиир стратегияларын толкуйдууллар.

Сыананы эмискэ үрдэтэн кэбистэхтэринэ, атыылаһааччыларын сүтэриэхтэрин, ол аата киллэрэр үптэрин өлүүтэ кыччыан сөп. Үтүөҕэ-сырдыкка итэҕэйээччилэр, дуолларга туһаайан, солкуобай куурса чөлүгэр түһэрин кэтэһэллэр эрээри, сарсын туох күүтэрин тымтыктанан көрбүт суох.

Арассыыйатааҕы автомобильнай дилердэр түмсүүлэрин салайааччыта Олег Мосеев: “Солкуобай куурса уларыйбатаҕына, массыынаны оҥорооччулар сыаналарын уларытарга күһэллиэхтэрэ”, — диэн этэр. Ол туһунан РБК суруйар.

© edersaas.ru сайтан

Следите за самым важным и интересным в Telegram-канале и WhatsApp-группе ЯСИА
0
0