Сахалинскай уобалас Поронайск куоратыгар атырдьах ыйын 20-22 күннэригэр мас тардыһыыга эр дьоҥҥо, дьахталларга Арассыыйа чөмпүйэнээтэ буолуо. Күрэхтэһиигэ Калугаттан, Свердловскай, Смоленскай, Сахалинскай уобаластартан, Хабаровскай кыраайтан, Саха сириттэн чулуулар кыттыахтара.
«Спорт Якутии» иһитиннэрэринэн, Саха сириттэн аан дойду чөмпүйүөнэ Сергей Фролкин, «Манчаары оонньууларын» үрүҥ көмүс призера Артем Ветров, Саха сирин түөрт төгүллээх кыайыылааҕа Татьяна Баишева, Роман Дмитриев кэриэһигэр ыытыллыбт бүтүн Арассыыйатааҕы күрэхтэһии боруонса мэтээлин хаһаайына Лия Плотникова кыттыахтара.
Күрэхтэһиигэ Арассыыйа билиҥҥи чөмпүйүөнэ, Калуга олохтооҕо Иван Галкин, Вязьматтан Виктор Колибабчук кытталлара ордук тыҥааһыны үөскэтэр.
This post was published on 13.08.2021 13:01 13:01