Мас-рестлинг аан дойдутааҕы федерациятын президуимунан 2021 сыл муус устар 16 күнүгэр Мас-рестлинг аан дойдутааҕы күнэ олохтоммута . Бырааһынньыгы сылын ахсын бэс ыйын төрдүс субуотатыгар бэлиэтииргэ быһаарбыттара.
Ол эрээри быйыл баскыһыанньаҕа, ол эбэтэр бэс ыйын 26 күнүгэр буолуоҕа. Ити күн иннинэ Дьокуускайга мас-рестлинг аан дойдутааҕы чемпионата түмүктэнэр. Даҕатан эттэххэ, бу тэрээһин мас-рестлинг аан дойдутааҕы күнүн аан бастаан бэлиэтээһин буолар.
Үөрүүлээх тэрээһин чэрчитинэн Үс Хатыҥҥа сэргэ туруоруохтара. Сэргэни Саха Сирин норуодунай худуоһунньуга, муос кыһааччы, муус оҥоһуктар маастара Федор Марков оҥоруо.
Санаттахха, Дьокуускайга бэс ыйын 23-25 күннэригэр, Саха АССР тэриллибитэ 100 сылынан, мас-рестлинг аан дойдутааҕы IV чемпионата ыытыллар. Тиһэх чахчынан, 47 дойдуттан 230 спортсмен кыттарын бигэргэппит.
Источник: #sakhaparliament
This post was published on 06.06.2022 17:01 17:01