Мас-рестлиҥҥа IV аан дойду чемпионата, коронавирустан сылтаан, буолар күнэ-дьыла көһөрүлүннэ. Күрэхтэһии үгэс быһыытынан икки сылга биирдэ буолар. Маннык быһаарыы Саха сирин спортка министиэристибэтэ уонна мас-рестлиҥҥэ норуоттар икки ардыларынааҕы федерация холбоһуктаах мунньахтарын кэмигэр ылылынна.
Маска аан дойду чемпионата иккилии сыл буола-буола ыытыллар. 2014 сылтан саҕаламмыта. Аан дойду Кубогын кытта арыттаһаллар.
Быйылгы күрэхтэһиини коронавируһунан сылтаан биллибэт болдьоххо көһөрдүлэр. Кыттыахтаах дойдуларга балаһыанньа, вируһунан сибээстээн, уустук.
Үгэс быһыытынан күрэхтэһиигэ 30-тан тахса судаарыстыба кыттара. Былаан быһыытынан быйыл бэс ыйыгар Дьокуускайга буолуохтааҕа.
Саха сирин спортка миниистирэ Иннокентий Григорьев мунньах кэмигэр бэлиэтээбитинэн, мас-рестлины ыытыы сөбө суоҕун туһунан боппуруос турар. Баар дааннайынан, 31 кыттыахтаах дойдуга коронавируһунан ыалдьбыттар бааллара биллэр.
Барыллаан суоттааһынынан, 350-тан тахса кыттааччы, тренер уонна судьуйа атын дойдуттан кэлиэхтээхтэрэ.
This post was published on 11.03.2020 12:54 12:54