25 От ыйа 25.07
  • 24°
  • $ 86,55
  • 94,38

Мас дуосканан кырбаан өлөрбүт

09:35, 19 апреля 2018
Текст:
Читайте нас на
Яндекс Новости
ЯДВ

Эбээн Бытантайга 53 саастаах киһиэхэ суут бириигэбэрэ тахсыбыт. Суут быһаарбытынан, бу киһи 2017 сыл ахсынньы 2 күнүгэр билэр дьахтарын кытта арыгылыы олорон, кыра да сылтаҕы куоһур оҥостон, мас дуосканы ылан, дьахтары кэтэҕэр хаҥас өттүнэн биирдэ саайбыт.


Охсубута күүһэ бэрдиттэн бу эрэйдээх өйүгэр да киирбэккэ, миэстэтигэр тыына быстыбыт.

Сууттанааччы тугу оҥорбутун ончу билиммэтэх эрээри, силиэстийэ да кэмигэр, суут мунньаҕын да кэмигэр буруйа толору дакаастаммыт.

Суут кинини РФ Холуобунай кодексатын 111-с ыст. 4-с чааһынан, ол эбэтэр, киһи доруобуйатыгар ыарахан эмсэҕэлээһини соруйан оҥорон, сэрэҕэ суохтан өлүүгэ тиэрдиигэ, буруйдааҕынан билинэн, 10 сылга ураты эрэсиимнээх холуонньаҕа көҥүлүн быһарга уурда.

Бу туһунан РФ Силиэстийэлиир кэмитиэтин Саха сиринээҕи управлениета иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

Следите за самым важным и интересным в Telegram-канале и WhatsApp-группе ЯСИА