17 От ыйа 17.07
  • 20°
  • $ 88,28
  • 96,26

Мархаҕа кыһыл оҕо өлүгүн буллулар

10:02, 16 мая 2017
Текст:
Читайте нас на
Яндекс Новости
ЯДВ

Ынырык булумньу Дьокуускай куорат таһынааҕы Марха бөһүөлэгиттэн ыам ыйын 12 күнүгэр көстүбүт.


Бу бөһүөлэк уопсастыбаннай туалетыттан кыһыл оҕо өлүгүн булбуттар. Силиэстийэ уорганнара бу чахчынан РФ Холуобунай кодексатын 106-с ыстатыйатынан холуобунай дьыала тэрийбиттэр. Ол эбэтэр, ийэ саҥа төрөөбүт оҕотун өлөрүү бэлиэтэ баарынан.

Быһылаан сиригэр суһал-силиэстийэлиир бөлөх тиийбит.

Барыллаан быһаарыынан, оҕону 19 саастаах кыыс төрөппүт, кыыс хат буолбутун дьонуттан кистии сылдьыбыт. Билигин кинини балыыһаҕа киллэрэн, бастакы көмөнү оҥорбуттар.

Оттон оҕо туохтан, хайдах өлбүтүн быһаарар сыалтан судебнай-медицинскэй экспертиза анаммыт. Силиэстийэ салҕанар.

Бу туһунан РФ Силиэстийэлиир кэмитиэтин Саха сиринээҕи управлениета иһитиннэрдэ.

edersaas.ru

Следите за самым важным и интересным в Telegram-канале и WhatsApp-группе ЯСИА