Дьокуускай куорат хаһаайыстыбатын эксплуатациялыыр сулууспаҕа Марха микрооройуоҥҥа киин уу ситимин тардыы бырайыага көрүллэр. Эбийиэги тутууга федеральнайдааҕы үп туһаныллар. Ол туһунан ОДьКХ миниистирэ Вячеслав Емельянов бырабыыталыстыба отчуотун кэмигэр эттэ.
«Эбийиэги тутууга элбэх ороскуот барарынан, РФ тутууга министиэристибэтиттэн хомунаалынай инфраструктураны саҥардыыга анаммыт федеральнай бырайыак кыттарыгар үлэлэһиэхпит», — диэтэ Вячеслав Емельянов.
Марха олохтоохторо эбийиэктэри тутууга, уулуссаны сырдатыыга, суолу бүрүйүүгэ бюджет үбүн туттууу хонтуруолланыытын ыйыталастылар. Маны сэргэ үөрэх эйгэтин эдэр кадрдарынан хааччыйыы, бэйдиэ сылдьар ыттар кыһалҕаларын быһаарыы туһунан кэпсэттилэр.
Дьон ыйытыытыгар быһаарар хоруйдар бэрилиннилэр. Сорох ыйытыылар министиэристибэлэргэ уонна Дьокуускай дьаһалтатыгар боломуочуйаларынан ыытылыннылар.
This post was published on 06.03.2025 15:09 15:09