13 От ыйа 13.07
  • 15°
  • $ 87,74
  • 95,76

Манчаары Оонньууларын кыттыылаахтара спорт 11 көрүҥэр киирсиэхтэрэ

13:32, 15 декабря 2016
Текст:
Читайте нас на
Яндекс Новости
ЯДВ

Бырабыыталыстыба бэрэссэдээтэлин солбуйааччы Михаил Гуляев быйыл Үөһээ Бүлүүгэ ыытыллар “Манчаары оонньуулара” ХХ-с спартакиадаҕа анаммыт мунньаҕы ыытта.


Оонньууга бэлэмнэнии туһунан иһитиннэриини улуус баһылыга Владимир Поскачин оҥордо. Оттон Оонньуу тутууларын архитектура уонна тутуу комплексын миниистирин солбуйааччы Геннадий Гермогенов билиһиннэрдэ.

Кыттааччылары уонна ыалдьыттары олохтооһуну, аһатыыны тэрийии тустарынан үөрэх миниистирин бастакы солбуйааччы Эдуард Кондратьев кэпсээтэ.

ХХ-с спартакиада 2017 сыл от ыйын 6-10 күннэригэр ыытыллар. Бу чэрчитинэн Үөһээ Бүлүүгэ чэпчэки атлетикаҕа анаммыт манеж, спорт комплекса, ипподром, оттон Намҥа спорт площадката тутуллар.

Тэрийэр кэмитиэт мунньаҕар Манчаары аатынан спорт национальнай көрүҥнэрин өрөспүүбүлүкэтээҕи киинин салайааччыта Иннокентий Григорьев Оонньууларга «Хабылыгы» уонна «Хаамысканы», ону таһынан хотугу многоборьены эбии киллэрэри туруоруста. Мунньах кыттыылаахтара кини этиитин ылыннылар, онон Манчаары Оонньууларыгар уопсайа 11 көрүҥҥэ спортсменнар күрэхтэһиэхтэрэ.

Хапсаҕайга, мас тардыһыытыгар, куобахха, гиирэ спордугар, оҕунан, буулдьанан ытыыларга, чэпчэки атлетикаҕа, хотугу многоборьеҕа, ат сүүрдүүтүгэр уонна остуол оонньууларыгар спортсменнар илин-кэлин түсүһүөхтэрэ.

Следите за самым важным и интересным в Telegram-канале и WhatsApp-группе ЯСИА