Дьокуускайга үүнэр өрөбүллэргэ «Манчаары оонньуутугар» хабылыкка уонна хаамыскаҕа путевкалары оонньотуохтара.
Олунньу 14–15 күннэригэр хаамыска уонна хабылык остуол оонньууларыгар Саха сирин чемпионата буолар. Күрэхтэһии Манчаары оонньууларыгар сүүмэрдиир түһүмэҕинэн биллэриллэр.
Өрөспүүбүлүкэ улуустарыттан 150 киһи кыттара биллэр. 16 путевка эр дьоҥҥо уонна дьахталларга оонньонор, маны сэргэ 12 путевка бэтэрээннэргэ түөрт категорияҕа.
Күрэхтэһии «Модун» спорт комплексыгар буолар.
Салгыы кулун тутарга кыргыттар уонна уолаттар күрэхтэһиэхтэрэ.
