Саха сиригэр ыам ыйын бүтүүтүттэн спорт национальнай көрүҥнэригэр XXII спартакиадаҕа квалификационнай күрэхтэһиилэри ыытыы салҕаныаҕа. Манчаары оонньууларыгар, от ыйын 7 — 12 күннэригэр Таатта улууһугар буолар, путевка оонньонуоҕа, суруйар ЯСИА.
Дьокуускайга ыам ыйын 26–28 күннэригэр өрөспүүбүлүкэҕэ бастыыр иһин күрэхтэһии чэрчитинэн чэпчэки атлетикаҕа күрэхтэһиэхтэрэ. 2007 сылтан алын төрүөх кыргыттар уонна уолаттар кыттыахтара. Икки категорияҕа дистанция 100 м. Маны сэргэ кыргыттар 3000 м, уолаттар — 5000 м сүүрүөхтэрэ.
Ыам ыйын 30 уонна 31 күннэригэр киин куоракка «Туймаада» стадиоҥҥа үөрэнээччилэргэ национальнай ыстаҥа буолар: кылыы, куобах, троеборье.
Бэс ыйыгар сахалыы ыстаныыларга, чэпчэки атлетикаҕа, оҕунан ытыыга күрэхтэһиилэр улахан дьоҥҥо ыытыллыахтара.
Манчаары оонньууларын сонуннарын манна аах.
This post was published on 12.05.2025 14:03 14:03